Қирғизистон президенти Алмазбек Атамбаев таътилга чиқди
30.10.2017 16:41,
2726
Қирғизистон президенти Алмазбек Атамбаев қисқа муддатли таътилга чиқди. У республикани ривожлантириш дастури устидаги ишни якунлаш ниятида, деб хабар бермоқда Қирғизистон етакчиси матбуот хизмати.
«Президент 2017 йил 30 октябрдан қисқа муддатли меҳнат таътилига чиқди. Таътил чоғида президент Қирғизистон Республикасини 2040 йилгача бўлган даврда барқарор ривожлантириш миллий стратегияси лойиҳасининг якуний варианти устида ишлайди», — дейилади хабарда.
Атамбоевнинг ваколатлари жорий йилнинг 1 декабрида тугаши керак. Президент лавозимида унинг ўрнини 15 октябрдаги сайловларда қарийб 55 фоиз овоз тўплаган Сооронбай Жээнбеков эгаллайди.