Республика Маънавият ва маърифат маркази раҳбарининг ижтимоий тармоқлардаги саҳифалари очилди

31.10.2017 | Ўзбекистон | 2340

Ўзбекистон Республикаси Президентининг 2017 йил 28 июлдаги “Маънавий-маърифий ишлар самарадорлигини ошириш ва соҳани ривожлантиришни янги босқичга кўтариш тўғрисида”ги қарори билан Республика Маънавият ва маърифат маркази ташкил этилган эди.

Марказнинг олдига маънавий-маърифий тарғибот ишларининг мазмун-мундарижасини тубдан яхшилаш, уларнинг кўлами ва миқёсини кенгайтириш, тизимда фаолият кўрсатаётган соҳа ходимларининг билим ва малакасини изчил ошириб бориш, туман (шаҳар) даражасидаги ходимлар меҳнатига ҳақ тўлашнинг барқарор тизимини йўлга қўйиш, соҳада фаолият олиб бораётган муассаса ва ташкилотлар ишини мувофиқлаштириш ва уларнинг самарасини ошириш каби вазифалар қўйилган эди.

Бугун, 31 октябрь куни Республика Маънавият ва маърифат маркази раҳбари Алишер Қодировнинг ижтимоий тармоқлардаги расмий саҳифалари ўз фаолиятини бошлади.

Эндиликда Марказ ўз фаолиятини ташкил этишда халққа янада яқинроқ бўлиш учун расмий сайти ҳамда ижтимоий тармоқлардаги саҳифалари фаолиятини йўлга қўйди.

Марказнинг Фейсбукдаги саҳифаси
Марказ раҳбарининг Фейсбукдаги расмий саҳифаси
Марказнинг Фейсбукдаги гуруҳи
Марказнинг Телеграмдаги расмий канали
Марказ раҳбарининг Телеграмдаги расмий канали
Марказга таклиф ва тавсиялар билан мурожаат қилиш махсус Телеграм гуруҳи
YouTube канали

Марказ мутахассисларининг таъкидлашича, келгусида фуқароларнинг маънавий-маърифий ишлар самарадорлигини оширишга қаратилган ҳар қандай масалалар юзасидан мурожаат қилиш, маънавий масалалар бўйича тажрибали экспертларнинг хулосаларини олиш имконияти яратилади.