Тошкентда 15 йилдан буён қидирувда бўлган аёл қўлга олинди

04.11.2017 | Жамият | 4994

Тошкент шаҳри Шайхонтоҳур туманида гиёҳвандлик воситаларини кўп миқдорда қонунга хилоф равишда сотишда гумонланиб, 2002 йилдан буён қидирувда бўлган аёл қўлга олинди, деб хабар берди Тошкет шаҳар ИИББ матбуот хизмати.

2017 йилнинг 30 октябрь куни Шайхонтоҳур тумани ИИБ ходимлари томонидан ўтказилган тезкор-қидирув тадбирлари натижасида, Ўзбекистон Республикаси Жиноят Кодексининг 273-моддаси 5-қисмида кўрсатилган (гиёҳвандлик воситаларини кўп миқдорда қонунга хилоф равишда сотиш) жиноятини содир этганлиги учун 2002 йил 1 июнь куни Шайхонтоҳур туман ИИБ Тергов бўлими томонидан қидирув эълон қилинган Дилором Усмонова қўлга олинган.

Ҳозирда унинг бошқа жиноятларга алоқадорлиги текширилмоқда.