Ўзбекистон олтин-валюта захиралари ҳақидаги махфий маълумот илк бор ошкор этилди
15.11.2017 14:27,
4
1 ноябрь ҳолатига мамлакат соф олтин-валюта захиралари ҳажми 26 млрд долларга етган. Бундай маълумот биринчи бор расмий эълон қилинмоқда.
“Одатда бу ахборотни эълон қилмасдик. У махфий саналарди. Яқинда давлатимиз раҳбарининг бир қатор иқтисодий ахборотларни фойдаланиш учун очиш ҳақида қарори қабул қилинди. 1 январдан Марказий банк олтин-валюта захиралари, пул массаси ва бошқа иқтисодий кўрсаткичларни расман эълон қилиб боради”,– деди Ишметов.
Унинг маълум қилишича, валюта эркин савдоси бошланганига икки ярим ой бўлгач, биринчи марта хорижий валютани сотиш ҳажми харид ҳажмидан катта бўлди. 325 млн долларга тенг бу фарқни Марказий банк сотиб олган.