КХДР Жанубий Корея билан вақтинчалик сулҳ ҳақидаги битимини бузди
22.11.2017 15:35,
4
КХДР ҳарбийлари Жанубий Корея билан 1953 йилда имзоланган вақтинчалик сулҳ ҳақидаги келишувни бузишди. Бу жанубга қочиб кетган аскар таъқиб қилинганида юз берган, деб хабар бермоқда «Рёнхап».
Бундай хулосага БМТнинг Жанубий Кореядаги қўмондонлиги мутахассислари аскарнинг чегара орқали ўтиши акс этган видеони кўриб, келди. Кадрларда сойли милтиқ билан қуролланган шимолий кореялик чегарачи демаркация чизиғини кесиб ўтганини кўриш мумкин. Бундан ташқари, аскарлар қочиб кетган сафдошига қарата ўт очган.
Қўмондонликдагилар таъкидлашича, жанубий кореялик ҳарбийларнинг жавоб ҳаракатлари битимга мувофиқ бўлган.
Шифокорларнинг қайд этишича, қочиб ўтаётган пайтида яраланган аскар ўзига келган. Унинг аҳволи ҳозирда қандай экани очиқланмаган.