Қирғизистон президенти Алмазбек Атамбаев иш фаолиятида алоҳида жонбозлик кўрсатган фуқароларни тақдирлаш маросимида ўзининг кўплаб ҳатти-ҳаракатлари сабаблари хусусида тўхталиб ўтди.

"Жуда кўпчилик "Атамбаев яна оғзига келганини гапирди", деб фикр билдираётгани билан, ўз нутқларимда ҳис-ҳаяжонга берилсамда, ҳар бир гапимни ўйлаб гапираман. Айрим гапларни айтаётганимда, жуда кучли душманлар орттириб олаётганимни тушунардим. АҚШ базасини мамлакатдан чиқараётганимда, бунга ҳеч ким ишонмаган, ҳатто америкаликларнинг ўзлари ҳам. Бу базани мамлакатда жойлаштириб, Оқ уйга бу ерда "бошқаришга" йўл қўйиб бериб, биз икки қудратли давлат — Россия ва Хитойни хафа қилдик", — деди Атамбаев.

Атамбаев, қўшнилар билан бўладиган дўстлик алоқалари АҚШ кўрсатадиган ёрдамдан устун эканлигини қайд этиб ўтди.

"Баъзан, аксинча, муносабатларга (қўшни давлатлар билан) путур етказишга тўғри келган. Йўқ, ўйламанг, Каримов мени кечирмаслиги ёки Назарбоев кечирмаслигини тушуниш менга хурсандчилик бахш этмаган. Агар мен БМТда ёки ҳозиргача сукут сақлаганимда, эҳтимол ҳозир мамлакатни "югурдак" бошқараётган бўларди", — деб таъкидлади Атамбаев.

Атамбаев, шунингдек, дўстлари ва қариндошларига катта-катта амалларни бермагани учун уларни йўқотиб қўймаганлигини қўшимча қилди.