Рамзон Қодиров Чеченистон раҳбари лавозимидан кетишга тайёрлигини, чунки бунинг “вақти келди” деб ҳисоблашини айтди. “Россия 1” каналида эфирга узатилувчи “Действующие лица с Наилей Аскер-заде” (Ноила Асқар-зода билан иштирокчи шахслар) дастури эфирида Чеченистонга раҳбарлик қилиб келувчи Қодировдан у ўз лавозимидан кетишга тайёрлиги ҳақида сўралди.
Унинг фикрича, айнан шундай қиладиган вақт келди. У 2007 йилдан буён республикага бошчилик қилиб келаётганини эслатиб ўтди.
«Бу менинг орзуим деса ҳам бўлади. Минтақа бошлиғи бўлиш ва республика учун, халқ учун Аллоҳ, давлат ва халқ олдида жавобгар бўлиш жуда қийин», — таъкидлади Қодиров.
Қодиров ўзининг эҳтимолий вориси ҳақидаги саволга “буни давлат раҳбарияти, халқ ҳал қилишини” айтган.