Марказий банк валюта курсларини янгилади: доллар яна кўтарилди

27.11.2017 | Иқтисод | 4276

Ўзбекистон Марказий банки 28 ноябрдан эътиборан хорижий валюталарнинг ўзбек сўмига нисбатан янги қийматини белгилади.

Ўтган ҳафтадаги қиймат билан солиштирганда евронинг курси 166,46 сўмга қимматлашиб, 9659,53 сўмни ташкил қилди.

Долларнинг расмий курси 10,77 сўмга кўтарилиб, 8095,88 сўмни ташкил қилди.

Россия рубли ҳам фақат 2,23 сўм қимматлашди ва 138,88 сўмни ташкил қилди.

Марказий банки мазкур валюталарни ушбу қийматда сотиш ёки сотиб олиш мажбуриятини олмаган.

Эслатиб ўтамиз, Ўзбекистонда 5 сентябрдан бошлаб эркин конвертация жорий этилганди.

Марказий банки раҳбариятининг маълум қилишича, жисмоний шахслардан сентябрь-октябрь ойлари давомида банклар орқали ярим миллиард доллардан ортиқ маблағ харид қилинди. Экспорт қилувчиларнинг валюта сотувидан тушган фойдаси икки бараварга кўпайди.