Якшанба куни эрталаб Хитойнинг Нинбо шаҳрида жойлашган фабрикада кучли портлаш юз берди. Нинбо шаҳри Шанхайдан 100 кмча жанубда жойлашган.
Маҳаллий телевидение вайрон бўлган уй ва кўчаларнинг тасвирини намойиш қилди. Маълумотларга кўра камида 2 киши ҳалок бўлган. Ўнлаб шикаст кўрганлар шифохонага олиб кетилган. Шошилинч хизмат ходимлари воқеа жойида фаолиятини бошлаган.
Портлаш сабаби эълон қилингани йўқ, аммо қутқарувчилар газни сабабчи қилиб кўрсатмаяпти. Ушбу фабрика кимёвий воситалар ишлаб чиқарган.