КХДР тури аниқланмаган баллистик ракета учирди. Бу ҳақда 28 ноябрда Жанубий Корея штаблари бошлиқлари қўмитасига иқтибос келтирган ҳолда “Рёнхап” ахборот агентлиги хабар берди.
Ракета парвози 53 дақиқа давом этди, бу вақт давомида парвознинг максимал баландлиги 4-4,5 минг километр, етиб бориш масофаси эса 1000 километрни ташкил этди. У Япония қирғоқларидан 250 километр узоқда, Аомори префектураси иқтисодий ҳудудида қулади.
Жанубий Корея ҳарбийлари ўрта масофадаги баллистик ракета — «Хвасон-14» синовдан ўтказилган деб ҳисобламоқда.
Ракета парвози КХДР томонидан 2,5 ой давом этган «сукут»дан сўнг амалга оширилди: мамлакат 29 август ва 15 сентябрда «Хвасон-12» ракеталарини учирганди.