Тошкентда қалбаки муҳрга эга бўлган фирибгарлар қўлга олинди

02.12.2017 | Жамият | 3060

Ҳуқуқни муҳофаза қилиш органлари ходимлари автотранспорт воситаларининг қайд этиш гувоҳномасига техник кўрикдан ўтганлик ҳақида қалбаки муҳр қўйиш билан шуғулланаётган икки нафар фирибгарни қўлга олишди.

ИИВ матбуот хизматининг хабар беришича, 1974 ва 1975 йилда туғилган эркаклар 150 000 сўм эвазига автотранспорт воситаларининг қайд этиш гувоҳномасига “техник соз” ёзувли қалбаки муҳрни босиб, имзо қўйиш билан шуғулланиб келишган.

Мазкур ҳолат юзасидан жиноят иши қўзғатилган бўлиб, тергов ҳаракатлари давом этмоқда.