Ўзбекистонда ягона туристик виза жорий этилди
5.12.2017 13:55,
8
Ўзбекистон президентининг “Консуллик тарифларига ўзгариш киритиш тўғрисидаги” янги қарорига биноан, чет эллик туристлар учун янги виза тури жорий этилди.
Янги визанинг амал қилиш муддати 30 кун бўлади. Олдин сайёҳлар учун 7 ёки 15 кунлик визалар берилар эди. Виза расмийлаштирих харажатлари 60 доллардан 40 долларгача туширилди.
Гуруҳ туристик виза бундан буён 5 кишига ҳам берилиши мумкин бўлади. Олдин энг кичик сайёҳлик гуруҳи 10 кишидан иборат бўлиши керак эди. Гуруҳ виза қиймати 15 кунга – бир кишига 15 доллардан, 30 кунга – 25 доллардан иборат бўлади.