Яманда вазият кескин тус олди. Исёнчи хусийлар 41 журналистни гаровда ушлаб турибди
5.12.2017 14:33,
2
Исёнчи хусийлар Санодаги Yemen Today теканали биносида 41 нафар журналистни асирликда ушлаб турибди. Бу ҳақда «РИА Новости» ўзининг мамлакатдаги манбаларига асосланиб маълум қилди.
Исёнчилар 2 декабрь куни Yemen Today каналининг офиси жойлашган телемарказни эгаллаган эди. Телеканал журналистлари 3 декабрь, якшанба куни норозилик намойиши сифатида очлик эълон қилган.
Yemen Today ўлдирилган собиқ президент Али Абдуллар Салоҳнинг партияси — «Умумхалқ конгресси»га боғлиқлиги билан машҳур. Партия 2 декабрь куни яманлик фуқароларни мамлакатнинг яқингача иттифoқдоши бўлиб келган «Ансар Аллоҳ» хусийлар ҳаракатидан ҳимоя қилишга чақирган эди.
Аввалроқ Яман пойтахтидаги тўқнашувлар натижасида 245 киши ҳалок бўлгани хабар қилинганди.