Инсонлар ўз олдига мақсадлар белгилаётганида йўл қўядиган энг катта хато

05.12.2017 | Таҳлил | 3071

Агар сиз ўтган йилда ўз олдингизга белгилаб олган мақсадларингизга тўлиқ эриша олмаганлигингиздан шикоят қилишни бошлаган бўлсангиз, унда билиб қўйинг сиз ёлғиз эмассиз.

Мутахассисларнинг қайд этишларича, аксарият кишилар ҳаётларининг турли жабҳаларида гоҳ муваффақиятга эришиб, гоҳ муваффақиятсизликка учраб турар эканлар. Балки, улар ютуқ ва муваффақиятлар сари интилишар, аммо кўпинча маълум сабабларга кўра ортга чекиниб, иштиёқлари пасаяди.

Бунинг олдини олиш ва мақсадларга эришиш учун нима қилиш керак?

Барча кўринишдаги муваффақиятларга эришишда бизга “оддий кундалик тартиб қоидалар” деб аталувчи одатлар тўплами ёрдам берар экан. Ҳар биримиз ҳар куни аҳамиятсиздек туюладиган кичкина қарорлар қабул қиламиз. Аммо, агарда биз ҳар куни озгина бўлсада ўз мақсадимизга эришиш учун амалий ҳаракатни бажарсак, унинг натижалари вақт ўтиши билан йиғилиб-йиғилиб бизни катта муваффақият ва ютуқларга олиб боради. Аҳир бекорга айтишмайдику, томчи-томчи йиғилиб дарё бўлур”, деб.

Мақсадлар белгилашда тўғри йўл танланг

Келаётган йилдаги мақсад ва режалар сифатида ўз олдимизга ишдаги ютуқлар, кўпроқ пул топиш, саломатлик, янги танишувлар, вазн ташлаш ёки орттириш, севги борасидаги мақсадларни қўямиз. Бироқ бир вақтнинг ўзида барчасига бирдан эришаман, улкан ўзгаришларни амалга ошираман деб ҳаракат қилиб ўзингизни бир талай орзулар билан кўмиб ташламанг. Бу тарзда мақсадларни белгилаш, хоҳ у янги йил режаси бўлсин хоҳ бизнес режаси бўлсин хато ҳисобланади. Сиз олмани бир тишлашда йеб қўя олмайсизку ахир.

Дастлаб аниқ йўналиш танлаб олиб, у билан боғлиқ режаларингизни қоғозга туширишдан бошланг. Мақсадингиз рўёби учун унга алоҳида ёндошинг ва муддат белгиланг.

Иккинчи қадам – ушбу мақсадга эришишга ёрдам берадиган кунлик қилинадиган вазифалар ва тартибни жорий этинг. Ушбу вазифа ва тартибга риоя қила туриб, сиз аввал уддалай олмаган муваффавақият ва ютуқларга эришасиз.
Янги йилда ҳаётнинг ҳар бир жабҳаси учун белгиланадиган мақсад ва режалар учун сизнинг қўлингиздан келадиган фойдали, синалган ва ҳақиқий кундалик тартиблар мавжуд. Агар истасангиз қуйида бир нечасини сизга тавсия этамиз.

-Даромадингизни тежаб боринг: ҳар ҳафта ойлик даромадингизнинг бир қисмини бир четга олиб қўйишни одат қилинг.

-Жисмоний тетик бўлинг: ҳар куни бир неча дақиқали жисмоний машқлар бажаринг ва бунга мунтазам амал қилинг.

-Руҳан тетик бўлинг: ҳар куни сизни руҳлантирувчи китобнинг 10 варағини ўқинг.

-Муносабатларни ривожлантиринг: ҳар куни бирор яқин кишингизга уни қанчалик ардоқлашингизни, ҳурмат қилишингизни изҳор этиш учун вақт топинг

-Мамнун бўлишни машқ қилинг: ҳар куни сизга ёққан учта нарсанинг рўйхатини ёзишни одат қилинг

-Ривожланишда давом этинг: ўз устингизда ишланг, малакангизни ошириб боринг, зарур бўлса курсларга қатнанг.

Вақт қудрати

Мақсадларни амалга ошириш учун кунлик белгилаб олган вазифаларни бажаришга киришганда сабр-тоқатли бўлиш муҳим ҳисобланади. Ҳозир одамлар тезкор натижаларни хоҳлашади аммо тажриба шуни кўрсатадики кўпчилик сабрли бўлишга ва кунлик оддий тартибларга риоя қилишга тайёр эмас. Агар сиз сабрли бўлиб ҳамда ҳар кунлик ҳаётингизга кундалик тартиблар қўлласангиз муваффақият ва натижалар сиз ўйлаганингиздан ҳам яқинроқ бўлади.

Ўзингиз учун белгилаб олган бир кунлик вазифаларни барчасига улгура олмасангизда, шуни билинки сиз муваффақиятга олиб борадиган режага амал қиляпсиз ва шунинг ўзи ҳам кўп нарсани англатади.