Кўксарой қароргоҳида икки давлат ўртасида қўшма ҳужжатлар имзоланди. Давлат раҳбарлари иштирокида қуйидаги ҳукуматлараро ва идоралараро ҳужжатлар имзоланди:

— Хавфсизлик масалалари бўйича қўшма комиссия ташкил этиш тўғрисида ҳукуматлараро баённома;

— Термез-Ҳайратон кўпригини муҳофаза қилиш тўғрисида ҳукуматлараро битим;

— "Мозори Шариф-Ҳирот" темир йўлини молиялаштириш, лойиҳалаштириш ва қуриш" лойиҳасини амалга ошириш бўйича ҳамкорлик тўғрисида ҳукуматлараро битим;

— "Қуввати 500 КВт бўлган "Сурхон-Пули-Хумри" электр узатиш линиясини қуриш" лойиҳасини амалга ошириш ҳамкорлик тўғрисида ҳукуматлараро битим;

— Юкларни транзит ташиш тўғрисида ҳукуматлараро битим;

— Фуқаролик, оилавий ва жиноий ишлар бўйича ўзаро ҳуқуқий ёрдам тўғрисида давлатлараро шартнома;

— Давлат чегараларидан ўтказиш пунктлари тўғрисида ҳукуматлараро битим;

— Ўзбекистон ва Афғонистон ҳукуматлари ўртасида савдо-иқтисодий ҳамкорлик тўғрисида ҳукуматлараро битим;

— Ўзбекистон Соғлиқни сақлаш вазирлиги ва Афғонистон Соғлиқни сақлаш вазирлиги ўртасида ҳамкорлик тўғрисида англашув меморандуми;

— Ўзбекистон Олий ва ўрта махсус таълим вазирлиги ва Афғонистон Олий таълим вазирлиги ўртасида ҳамкорлик тўғрисида идоралараро битим;

— Қишлоқ хўжалиги соҳасида ҳамкорлик тўғрисида идоралараро англашув меморандуми;

— Сертификатлаштириш соҳасида ҳамкорлик қилиш тўғрисида идоралараро битим;

— "Ўзбекэнерго" АЖ ва Афғонистон энергетика ва сув ресурслари вазирлиги ўртасида англашув меморандуми;

— Ўзбекистон ва Афғонистон савдо-саноат палаталари ўртасида англашув меморандуми;

— Божхона ишларида ҳамкорлик ва ўзаро ёрдам тўғрисида ҳукуматлараро битим.

Шунингдек, Кўксаройдаги музокаралар якунида Ўзбекистон ва Афғонистон президентларининг Қўшма баёноти имзоланди.

Ушбу имзоланган ҳужжатларнинг ижроси шахсан икки давлат президентлари назоратида бўлади.