Буюк Британия контрразведка хизмати MI5 раҳбари Эндрю Паркер хавфсизлик хизматлари Буюк Британия бош вазири Тереза Мэй ҳаётига суиқасдни бартараф этишганини маълум қилди. Бу ҳақда Independent нашри хабар бермоқда.
Лондон ва Бирменгемда ўтган ҳафтада ўтказилган рейдлар давомида Мэйга суиқасд тайёрлашда гумон қилиниб, 2 киши қўлга олинди. Уларга терроризмда айблов эълон қилинди.
Ушбу шахслар сумка сифатида ниқобланган бомбани бош вазир қароргоҳи олдида портлатиш, сўнг пичоқлар ёрдамида ҳужум уюштиришни режалаштиргани билдирилмоқда.
Скотланд-Ярд уларнинг қўлга олиниши бош вазирга суиқасд билан боғлиқ эканлигини тасдиқлашдан бош тортди.
5 декабрда Паркер вазирлар маҳкамаси йиғилишида охирги йил ичида Буюк Британияда 9 та терактнинг олди олинганини маълум қилган. Умумий ҳисобда жорий йилда Буюк Британияда 5 та теракт содир этилган. Улардан энг йирик 22 май куни қўшиқчи Ариана Гранденинг концерти вақтида амалга оширилган. Бу теракт оқибатида 22 киши, жумладан, 12 бола ҳалок бўлганди.