«Европа қўшма штатлари»ни яратиш таклифи билдирилди
8.12.2017 18:20,
17
Германия социал-демократик партияси етакчиси Мартин Шульц Европа интеграциясини чуқурлаштириб, 2025 йилга қадар Европа қўшма штатларини ташкил этишга чақирди. Бу ҳақда EU Observer хабар бермоқда.
«Федерал Европани вужудга келтирадиган Европа конституциявий битими зарур», — деди Шульц.
Партия раҳбари Евроиттифоққа аъзо мамлакатларга ратификация учун битимни тақдим этиш режалари ҳақида маълум қилди, блокнинг ҳужжатдан бош тортадиган иштирокчилари эса, сиёсатчининг фикрича, Евроиттифоқни тарк этиши керак бўлади.
Шульц фақат мустаҳкамланган иттифоқ Германия, Австрия, Финляндия, Франция ва Нидерландияда кўтарилган ўнг миллатчилар ҳаракатига қарши тура олади, деб ҳисоблайди.