Исроил армияси икки нафар бегуноҳ фаластинликни ўлдирди
12.12.2017 20:48,
10
Исроил армияси томонидан йўлланган авиазарба оқибатида Ғазо секторида икки фаластинлик ҳалок бўлган. Бу ҳақда «Ал Ақсо» радиоси хабар тарқатди.
Айтилишича, фаластинликлар мотоциклда кетаётган чоғда зарбаларга учраган. Айни пайтда, Исроил томони ҳужум амалга оширилганини инкор этмоқда.
«Фаластин томонининг хабарларига терс равишда, Исроил мудофаа армияси Ғазо сектори шимолида зарбалар амалга оширмади», — дейилади Тел-Авивнинг баёнотида.
Фаластин ва Исроил ўртасидаги зиддият АҚШ президенти Дональд Трамп Қуддусни Исроил пойтахти деб эълон қилиши ортидан кескинлашиб кетди.