Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Ўзбекистон Бош прокуратураси Федерал тергов бюроси билан келишув имзолади
13.12.2017 18:12,  
17

АҚШ адлия вазирлиги ҳузуридаги Федерал тергов бюроси штаб-квартирасида Ўзбекистон Бош прокуратураси ва ФТБ ўртасида ўзаро англашув меморандуми имзоланди. Бу ҳақда “Жаҳон” АА хабар бермоқда.

Ҳужжатни Ўзбекистон бош прокурорининг биринчи ўринбосари М.Азимов ва ФТБ директори ўринбосари вазифасини бажарувчи Ж.Уолкер имзолади.

Ўзбекистоннинг АҚШдаги элчихонаси хабарига кўра, музокаралар жараёнида мазкур ҳужжат икки мамлакатнинг тегишли тузилмалари ўртасидаги ҳамкорликни янада юқори даражага олиб чиқиши ҳамда жиноятчиликка қарши кураш ва инсон асосий эркинликларини ҳимоя қилиш самарадорлигини ошириши қайд этилган.

Меморандумда қонунчилик ва ҳуқуқни жорий этиш амалиёти, тергов ва ушбу соҳада тадқиқотлар ўтказишнинг назарий ва амалий кўникмаларини чуқурлаштиришнинг илғор услублари ва замонавий механизмлари ҳақида ахборот ва тажриба алмашиш кўзда тутилган.

Таъкидланишича, ушбу ҳужжатнинг мавжуд эмаслиги узоқ йиллар давомида икки мамлакат тегишли органларининг тезкор ҳамкорлик қилишларига тўсқинлик қилиб келган.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан