Таиланд АҚШ ва Шимолий Корея ўртасида воситачилик қилмоқчи
15.12.2017 20:32,
5
Таиланд Қўшма Штатларга расмий Пхенян билан музокараларда воситачилик қилиш таклифини берди, деб ёзмоқда Nation интернет-газетаси.
Таиланднинг хавфсизлик кенгаши бўйича бош секретари генерал Ванлоп Ронгсано АҚШ Шимолий Корея билан бирор-бир алоқа йўли очишга уриниши кераклигини таъкидлаган.
Бангкокка ташриф буюрган АҚШнинг махсус вакили Ташқи ишлар вазири Вирасак Футракун билан ҳам учрашган. Унда вазир Таиланд халқаро ҳамжамият билан биргаликда КХДРни музокара столига ўтқазишга ҳаракат қилаётганлигини айтган.