АҚШ ҳарбийлари ИШИД етакчиси Абу Бакр ал-Бағдодийни қўлга олиб, уни АҚШнинг Суриядаги ҳарбий базаларидан бирига етказишган. Бу ҳақда 17 декабрда Yeni Şafak турк нашри маълум қилди. 

Нашр манбасига кўра, ал-Бағдодий Ироқда қўлга олинган.

Сўнг Сурия шимоли-шарқидаги Рас-ал-Айн шаҳридаги АҚШ базасига етказилди, кейинчалик ал-Хасака шаҳри яқинидаги таянч пунктига келтирилди.

ИШИД етакчиси билан биргаликда гуруҳнинг яна етти қўмондони ҳибсга олингани билдирилмоқда.

Дунё матбуотида ИШИД раҳбари ўлдирилгани тўғрисида ҳозирга қадар камида 8 марта миш-миш тарқатилган. 2017 йилнинг ўзида оммавий ахборот воситалари Бағдодийни 4 марта «ўлдирган». Улар орасида Россия Мудофаа вазирлигининг Бағдодий ҳаво ҳужуми туфайли ҳалок бўлгани тўғрисидаги баёноти ҳам бор. Бундан ташқари, кўп маротаба унинг жароҳатлангани, ҳибсга олингани ва заҳарланганига оид хабарлар тарқалган.