Туркия президенти Ражаб Тоййиб Эрдўғон Шарқий Қуддусда мамлакат элчихонасини очиш ниятини маълум қилди. Бу ҳақда Reuters хабар бермоқда.

Истанбул декаларациясини имзолаган «​Ислом ҳамкорлик ташкилоти»​ аъзо давлатлари Шарқий Қуддусни Фаластин пойтахти, деб тан олган эди. Эндиликда Туркия жумҳурияти раҳбари ҳал қилувчи қарорни оммага эълон қилди.

Буни у Трампнинг АҚШ элчихонасини Тель-Авивдан Қуддусга кўчириш қарорига жавоб билан изоҳлади.

«Биз Шарқий Қуддусни Фаластин пойтахти деб эълон қилдик, бироқ Қуддус босиб олингани сабабли у ерда элчихона очиш имкониятимиз йўқ эди. Ҳозирда Фаластинда элчи бошқараётган бош консуллигимиз ишлаб турибди. Биз деярли бу вазифани бажардик. Яқин орада элчихонамизни ҳам очамиз», — деди Эрдўғон.

Эслатиб ўтамиз, Туркия Республикаси давлат раҳбари бундан аввалги нутқида, «Қуддусни бой бериш, Макка ва Мадина каби шаҳарларни бой бериш билан тенг» эканини изҳор этганди.