Биткоин курси рекорд ўрнатишда давом этмоқда: эндигиси 20 минг доллар
18.12.2017 09:47,
11
Биткоин курси 20 минг доллардан ошди. Бу ҳақда, CoinMarketCap портали маълумотларига таяниб, «Газета.ru» хабар бермоқда.
Олдинроқ хабар қилинганидек, биткоин фьючерслари сотувлар очилганидан буён 20 фоизга ўсди.
Умуман олганда, биткоин курси йил бошидан 10 мартадан кўпроққа қимматлаб, унинг капиталлашуви 171.8 млрд доллардан ошди. Криптовалюталар бозорининг умумий капиталлашуви эса 350 млрд доллардан кўпроққа етди.
Бозордаги қиймат бўйича биринчи ўринни анъанавий равишда биткоин (BTC) эгаллайди: у 171,8 миллиард долларга баҳоланмоқда. Иккинчи ўринда Ethereum – 42,3 миллиард доллар. Учинчи поғонада - Bitcoin Cash (23,1 миллиард доллар). Тўртинчи эса Ripple криптовалютаси – унинг бозордаги қиймати 9,5 миллиард долларни ташкил этади.