GM Uzbekistan Ravon автомобилларини Санкт-Петербургда ишлаб чиқариши мумкин

18.12.2017 | Жаҳон | 2428

Айни дамда GM Uzbekistan компанияси вакиллари General Motors билан Санкт-Петербургда Ravon автомобилларини ишлаб чиқаришни йўлга қўйиш борасида фаол музокаралар олиб бормоқда.

Ўзбекистонлик компания мақсади — General Motorsнинг Санкт-Петербургда консервация қилинган заводи қувватида фойдаланишдир. 2014 йилда фаолияти тўхтилган завод йилига 100 минг автомобил ишлаб чиқариш имконига эга.

Санкт-Петербургда Ravon R2 моделини ишлаб чиқаришни йўлга қўйиш режалаштирилмоқда.

Эслатиб ўтамиз, Ravon R2 айни дамда Россияда А-класс автомобиллари орасида энг бозори чаққон машина. 2017 йилнинг 11 ойи давомида салкам 13 минг автомобил сотилган. Компания йил охирига қадар ушбу кўрсатгични 15 мингга еткизишни ваъда бермоқда.