Исроил бош вазири АҚШга миннатдорлик билдирди
19.12.2017 16:00,
2626
Исроил бош вазири Биньямин Нетаньяху АҚШ президенти Дональд Трамп, шунингдек, Қўшма Штатларнинг БМТдаги доимий вакили Никки Хейлига БМТ Хавфсизлик кенгашидаги овоз бериш жараёни давомида Қуддуснинг Исроил пойтахти сифатида тан олинишига қарши йўналтирилган резолюцияга вето қўйилгани учун миннатдорлик билдирди.
«Раҳмат, доимий вакил Хейли. Ханукада сиз Маккавей каби гапирдингиз. Сиз ҳақиқат шамини ёқдингиз. Сояларни чекинтирдингиз. Бир киши кўпчиликни енгди. Ҳақиқат ёлғонни енгди. Раҳмат, президент Трамп», — деб ёзди Нетаньяху ўз Twitter’ида.
Аввалроқ АҚШ БМТ Хавфсизлик кенгашида Мисрнинг Қуддус Исроил пойтахти деб тан олинишига қарши резолюцияси лойиҳасини блоклаб қўйиш учун вето ҳуқуқидан фойдаланган эди.