Ўзбекистонлик Иноятхон Қосимова Коня шаҳрида жарроҳлик амалиётини бошдан ўтказгач, 40 йилдан сўнг яна одим ота бошлади, дея хабар бермоқда “Анадолу” агентлиги.
Ўзининг айтишича, 15 ёшлигида дарахтдан йиқилиб, оёқлари синган. Шундан сўнг Фарғона шаҳрида 4 йил давомида даволанган.
“Кўксимгача гипс қилишди. Гипслар олинганидан кейин эса оёқ суякларим қийшая бошлади. Касалхонада яна операция қилишди. Вақт ўтиши билан умуман юролмай қолдим”, – дейди 59 ёшли аёл.
Оғриқлар кучайгач, ўтган йили Иноятхон опа Тошкентга даволангани келган, яқинлари эса Туркияда муолажа олиши учун унга ёрдам беришган.
Айни пайт Иноятхон Қосимова Ўзбекистонга, оиласи бағрига қайтишни сабрсизлик билан кутяпти.