Анқара суди Россиянинг Туркиядаги элчиси Андрей Карлов ўлдирилган кўргазма ташкилотчиси Мустафо Тимур Ўзканни ҳибсга олди. Бу ҳақда Meduza хабар бермоқда.

Тергов Мустафо Темур Ўзканни жиноят иштирокчиси ҳисобламоқда. Маҳаллий прокуратура элчининг ўлими юзасидан Россия билан биргаликда олиб бораётган тергов доирасида терговчилар қотилликни содир этган полициячи Мавлут Мерт Алтинтошнинг мобил телефонидаги барча маълумотни қўлга киритишган.

Ўзкан Россия бўйлаб сайёҳат ҳақидаги китоб муаллифи. У ҳам кўргазма каби «Калининграддан Камчаткагача» деб номланади.

ОАВ Ўзкан январда қўлга олингани ҳақида хабар берганди. Шундан кейин у озод этилган ёки йўқлиги маълум эмас.

Алтинтош 2016 йил 19 декабрда “Россия турклар нигоҳида” деб номланган кўргазмада Карлов нутқ сўзлаётганда унинг орқасидан ўқ узган.  Оқибатда Карлов воқеа жойида ҳалок бўлган, қотил эса полициячилар томондан йўқ қилинган.