Пайшанба куни кечқурун ўзбекистонлик меҳнат муҳожири Россиянинг суви музлаган Нева дарёсига тушиб кетган. У мўъжиза туфайли омон қолган, деб хабар берди NEVA TODAY.
Дастлабки маълумотларга кўра, пайшанба куни кечқурун 21 яшар Ўзбекистон фуқароси кечки 17.00 лар атрофида Сарой кўригидан Невага тушиб кетган.
Йигит қутқариб қолинган, уни Адмиралейский кўчасидаги №2 уй олдида сувдан чиқариб олишган. Бир неча дақиқа кеч қолинганда йигит ҳалок бўлар эди.
"Невада чўмилишдан сўнг чет эл фуқароси қаттиқ совуқ олган ва реанимацияга ётқизилган", — дейилади хабарда.