Украина генерали: Қрим кўприги ракета зарбасидан ҳимояланмаган
30.12.2017 10:18,
57
Украина Қуролли кучлар Бош штаби раҳбарининг ўринбосари, ҳарбий фанлар номзоди Игор Романенко сарлавҳадаги ахборотни маълум қилди.
Россияни Қрим яримороли билан боғлаши мўлжалланган Қим кўприги Романенконинг сўзларига кўра, стратегик артерия бўлиб, Қримнинг иқтисодий юксалишини белгилайди. Бироқ ҳарбий нуқтаи назардан нозик иншоот саналиб, ердаги ва денгиздаги ракета зарбасидан етарли ҳимояланмаган.
Керч бўғози бўйлаб ўтган кўприк Россия Федерациясидаги энг узун кўприк бўлиши кутилмоқда – 19 км. 2018 йилнинг декабридан бошлаб кўприкдан автомобиллар қатнай бошлайди, бир йил ўтгач эса поезд йўлга тушади.
“Қрим лойиҳаси” эксперт гуруҳи раҳбарининг айтишича, автомобиль қатнови муддатидан олдинроқ бошланиши ҳам мумкин.