Ўзбекистон cаргузашт туризми учун тавсия этилувчи энг яхши мамлакатлар рўйхатидан жой олди
3.01.2018 13:55,
8
Британиянинг British Backpacker Society туристик жамияти 2018 йилги cаргузашт туризми учун энг яхши мамлакатлар рўйхатини эълон қилди.
Рўйхатга 20 та мамлакат киритилган бўлиб, улар орасида Ўзбекистон 19-ўриндан жой олди. Рўйхатнинг дастлабки учлигида Покистон, Россия ва Ҳиндистон жойлашган.
Марказий Осиёдан Ўзбекистондан ташқари Қирғизистон (5-ўрин) ва Тожикистон (7-ўрин) ҳам рўйхатга киритилган.
British Backpacker Society жамияти туристлар учун унчалик таниш бўлмаган мамлакатларни ўрганувчи ҳамда мустақил туристларга ушбу мамлакатларга саёҳат қилишни тавсия этувчи жамият ҳисобланади.