Суд-тиббий экспертизанинг кўрсатишича, Хўжанд шаҳридаги 19-кичик туманда истиқомат қилувчи тўрт нафар шахс нитрат натрийдан заҳарланиш натижасида вафот этган. Бу ҳақда шаҳар прокуратураси 2 январь куни хабар берди.
Яна 6 киши, жумладан, кекса аёл ва унинг невараси оғир заҳарланиш ташхиси билан касалхонага ётқизилди.
Суд-тиббиёт экспертизаси Хўжанд шаҳрининг 4 фуқароси натрий нитратидан заҳарланиш оқибатида ўлганини кўрсатди. Фожиа жойида мазкур модда қолдиқлари бўлган кичик қути топилди. Марҳумларнинг организмида ҳам натрийли селитра излари аниқланди.
Мазкур ҳолат бўйича «Эҳтиётсизлик оқибатида ўлим содир этиш» моддаси бўйича жиноий иш қўзғалди, тергов олиб борилмоқда.
Натрий нитрат – рангсиз шаффоф кристаллар бўлиб, ҳиди йўқ, шўр таъмга эга. Ушбу модда озиқ-овқат, шишасозлик, металлни қайта ишлаш саноати, шунингдек портловчи моддалар, ракета ёқилғиси ва оловга сариқ ранг бериш учун пиротехник қоришмаларда фойдаланилади.