Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






GM Uzbekistan солиқлар пасайтирилганлигини лекин машиналар нархи пасаймаслигини расман эълон қилди
11.01.2018 02:14,  
17

GM Uzbekistan акциз солиғи туширилганига қарамай, машиналари нархини пасайтирмаслигини маълум қилди. Бу ҳақда компаниянинг Facebook’даги саҳифасида эълон қилинган хабарномада айтилган.

Машиналарнинг нарх-навосига оид ушбу хабарномада акциз солиқ ставкасининг ўзгариши билан нархлар туширилиши кўзда тутилмаётгани таъкидлаб ўтилди.

Ўзбекистонда жорий йилдан GM Uzbekistan АЖ енгил автомобиллари учун акциз солиғи 5,4 баробарга камайтирилган. Олдин акциз солиғи 27 фоизга тенг бўлса, ҳозирда бу кўрсаткич 5 фоизни ташкил этади. 

Шунга қарамай, корпорация бу ҳолат автомобиллар нархида акс этмаслигини маълум қилмоқда. Хабарномада бу чора курсдаги тафовут сабаб харажатларнинг ошиб кетиши қоплашга хизмат қилиши таъкидланган.

«2017 йилнинг 5 сентябрида Вазирлар Маҳкамасининг «GM Uzbekistan АЖ томонидан ишлаб чиқарилаётган маҳсулотлар нархларини шакллантиришни такомиллаштириш чора-тадбирлари тўғрисида»ги 701-сонли қарори имзоланди. Унга кўра енгил автомобилларнинг улгуржи ва чакана нархлари Ўзбекистон Республикаси Марказий банкининг 2017 йил 31 августдаги курси бўйича (4210,35 сўм) қатъий белгилаб қўйилди. Валюта курсининг ўзгариши GM Uzbekistan автомобилларининг Вазирлар Маҳкамасининг 701-сонли қарори билан тасдиқланган улгуржи ва чакана нархлар ҳисоб-китобига салбий таъсир кўрсатмаслиги учун GM Uzbekistan енгил автомобиллари учун белгиланган акциз солиқ ставкаси 5 фоиз этиб белгиланди. Бу эса курсдаги тафовут сабаб харажатларнинг ошиб кетиши қоплаш ва бу билан автомобилларнинг чакана нархларидаги барқарорликни таъминлаш имконини берди.

Шундай қилиб, Ўзбекистон Республикаси Президенти 2017 йил 29 декабрда «Ўзбекистон Республикасининг 2018 йилги асосий макроиқтисодий кўрсаткичлари прогнози ва Давлат бюджети параметрлари тўғрисида»ги қарори билан тасдиқланган «GM Uzbekistan» автомобилларининг акциз солиғининг пасайтирилган ставкаси 2017 йилнинг 5 сентябридан амалда қўлланиб келинмоқда. Ўз-ўзидан келиб чиқадики, акциз солиқ ставкасининг ўзгариши билан нархлар туширилиши кўзда тутилмаяпти», — дейилади хабарномада.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан