Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






ИИББ мардикор аёлларни уриб, товламачилик қилаётган милиция ходимлари ҳақидаги хабарга раддия берди
12.01.2018 01:41,  
8

Тошкент шаҳар Ички ишлар Бош бошқармаси "Хабар" ахборот-таҳлилий порталида "Мардикор аёл ноласи" сарлавҳаси остида эълон қилинган мақолага расман раддия берди.

Тошкент ИИББ Миграция ва фуқароликни расмийлаштириш бошқармаси бошлиғи подполковник Сайфуллаевнинг сўзларига кўра, раддия берилаётган мақолада мардикор аёлларнинг Ички ишлар ходимлари фаолиятидан шикояти баён этилган.

Хусусан, портал мухбирлари 2017 йилнинг 26 декабр куни Тошкент шаҳридаги Қўйлиқ деҳқон бозори яқинидаги Яшнобод тумани вақтинчалик ишларни ташкил этиш бюросига келишганида ёлланиб (кунбай) ишловчи фуқаролар асосан ички ишлар ходимларининг муомаласидан, қонунга зид ҳатти-ҳаракатлари устидан шикоят қилишган.

"Нашрнинг ёзишича ҳудуддаги ИИБ ходимлари мардикор аёллардан сигарет, "Кола", тушлик ёки кечки овқат учун колбасаларнинг пулини ундириб олишлари, пул бермаганларни автобусга тиқиб, "Панелний"га олиб кетиб, паспорт режимини бузганлик учун энг кам иш ҳақининг бир бараваридан уч бараваригача жарима ёзиб, кейин қўйвориш сингари ҳолатлар ҳақида ёзган", — деди подполковник.

Сайфуллаев порталда эълон қилинган мақола бўйича Тошкент шаҳар ИИББ ўз хавфсизлик бўлими томонидан текширув ўтказилишини маълум қилди. Айни вақтда нашрнинг ушбу мақолани ёзишига асос бўлган видеоролик сўраб олингани айтилди.

"Иккита мп3 ёзувли, овозли шаклдаги файл беришди. Биринчи — 51 сониялик файлда, "Ички ишлар идоралари ходимларидан илтимос, биздан сигарет, "Кола", колбаса талаб қилмасаларингиз. Сизлардан илтимос, пул ҳам талаб қилади, "Панельний"га тушгандан кейин 1 миллион саккиз юз сўм уйимга жарима борган. Иложим йўқ, мен тўлай олмайман пулни. Яна уради, тепади, калтак ейишимиз шартми?", — деб ёзилган", — деди Сайфуллаев.

ИИББ ходими сўзларига кўра, ушбу ҳолат бўйича олиб борилган суриштирув давомида, юқоридаги сўзларни айтган шахс топилган, у 1991 йилда Сирдарё вилоятида туғилган фуқаро З. Мамадалиева эканлиги аниқланган ва у билан бевосита суҳбат ўтказилган.

Суҳбат давомида аёл "битта фуқаро келиб сўраганда, кимдандир эшитган маълумотларга таяниб шу маълумотни бергани" маълум бўлган. Мамадалиева бу ҳақда ёзма маълумот тақдим этган.

Тошкент ИИББ шу муносабат билан бу сингари маълумотларни чоп этишдан олдин текширишни, чунки бу каби ёлғон маълумотлар ИИВ тизими шаънига доғ туширадиган ҳолатлигини эслатиб ўтди.

Сайфуллаев, шунингдек, ИИБ ходимлари устидан шикоят қилган Мамадалиева ҳақида қўшимча маълумотларни келтирар экан, аёл икки йил давомида 6 марта маъмурий жавобгарликка тортилганини қайд этди. "Моддаларини кўрадиган бўлсак, фоҳишалик қилгани, милиция ходими томонидан қўйилган қонуний талабларни бажармаганлиги, паспорт тизими қоидаларини бузганлиги учун бир неча марталаб маъмурий жавобгарликка тортилган", — қўшимча қилди подполковник.

Тошкент ИИББ ички ишлар органлари ходимлари томонидан куч ишлатиш, таъмагирлик ёхуд бошқа ноқонуний хатти-ҳаракатларга йўл қўйилаётгани сингари ҳолатларга дуч келган фуқаролардан "02" рақами ёхуд Ўзбекистон Республикаси ИИВ расмий сайтида кўрсатилган ишонч телефонларига қўнғироқ қилиб, маълум қилишни сўрайди.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан