Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Ўзбекистонда яширин иқтисодиёт улуши ЯИМнинг ярмидан кўпроғини ташкил этмоқда
12.01.2018 14:44,  
54

Ўзбекистонда яширин иқтисодиёт ҳажми ЯИМнинг 50 фоизидан кўпроқни ташкил этади. Пайшанба куни бўлиб ўтган Халқаро пресс-клуб йиғилишида иқтисодиёт вазири ўринбосари Мубин Мирзаев экспертлар баҳосига асосланиб бу ҳақда маълум қилди.

«Экспертлар ҳисоб-китобига кўра, ялпи ички маҳсулотда яширин иқтисодиётнинг улуши 50 фоиздан кўпроқни ташкил этади. Бу, ўз навбатида иқтисодиётнинг ривожланишига ва бюджет тушумларига халал бермоқда», — деди Мубин Мирзаев.

Унинг сўзларига кўра, валюта бозорини либераллаштириш мазкур муаммони ечишда биринчи қадам бўлди, келгуси қадам эса солиқ тизимини ислоҳ қилиш бўлади.

«Масалан, қўшилган қиймат солиғи (20 фоиз — таҳр.), агарда у имтиёз ва преференцияларсиз олинса, давлат бюджетининг 80 фоизгача харажатларини қоплаши мумкин. Шуни айтишни хоҳлардимки, 1 июлга қадар солиқ тизимини қайта кўриб чиқамиз. Иккинчидан, барча тадбиркорлар учун тенг шароитлар ва рақобат муҳитини яратиш бўйича аниқ таклифларни киритиб, яширин иқтисодиётни легаллаштиришга имкон берамиз», — деди иқтисодиёт вазирининг биринчи ўринбосари.

Яширин иқтисодиёт улушининг камайтирилиши солиқ базасини кенгайтириш ва давлат бюджетининг даромад қисми барқарорлигини мустаҳкамлашга хизмат қилиши кутилмоқда.

Солиштириш учун: халқаро Дипломли сертификатли бухгалтерлар уюшмаси (ACCA) тадқиқотларига кўра (PDF) 2016 йилда норасмий иқтисодиёт ҳажми Россияда ЯИМнинг 39 фоизи, Озарбайжонда — 67 фоиз, Украинада -45,9 фоиз, Туркияда — 25,7 фоизни ташкил этади. Яширин сектор ҳажми АҚШ (ЯИМнинг 7,7 фоизи), Япония (10 фоиз) ва Хитойда (10,1 фоиз) нисбатан паст кўрсаткичларга эга.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан