Қозоғистоннинг Атирау области Исатой туманидаги Атирау – Астрахань трассасида йирик авария юз берди, беш киши ҳалок бўлди, деб хабар қилмоқда Қозоғистон ОАВ область Ички ишлар департаменти матбуот котиби Нозимгул Кайсагалиевага таянган ҳолда.
Авария Атирау — Астрахан трассасида рўй берди. Hyundai Accent ва ВАЗ-21015 автомобиллари тўқнашди.
Hyundai ҳайдовчиси ва йўловчилари (улар орасида болалар ҳам бор) касалхонага етказилди.
Иккинчи автомобилнинг ҳайдовчиси ва 4 нафар йўловчиси воқеа жойида ҳалок бўлди.
Ҳодиса юзасидан текширув бошланди.