Шавкат Мирзиёев яна бир видеоселектор йиғилишини ўтказди

17.01.2018 | Ўзбекистон | 4718

Шавкат Мирзиёев раислигида Ўзбекистон Республикасининг биринчи президенти Ислом Каримов хотирасини абадийлаштириш ва таваллудининг 80 йиллигини нишонлашга бағишланган тадбирларга тайёргарлик ишлари ҳолати ва амалга оширилаётган чоралар борасида йиғилиш бўлиб ўтади.

Соат 12:00 да бошланиши айтилган ушбу видеселекторда Вазирлар, Қўмита раислари ва Вилоят ҳамда туман, шаҳар ҳокимлари, жойлардаги барча мутассадди раҳбарлар иштирок этади.

Эслатиб ўтамиз, Шавкат Мирзиёев 2017 йилнинг 27 ноябрь куни “Ўзбекистон Республикасининг Биринчи Президенти, буюк давлат ва сиёсат арбоби Ислом Абдуғаниевич Каримов таваллудининг 80 йиллигини нишонлаш тўғрисида”ги қарорни имзоланган эди.

Шунингдек, Ўзбекистон Республикаси Биринчи Президенти Ислом Каримовнинг хотирасини, унинг мамлакатимиз мустақиллигини қўлга киритишга, миллий давлатчилигимизни қуришга қўшган улкан ҳиссаси ва Ислом Каримов шахсининг тарихий ролини абадийлаштириш, шунингдек, унинг меросини оммалаштириш мақсадида “Ислом Каримов хотирасига бағишланган энг яхши илмий-оммабоп мақола” кўрик-танлови ўтказилди.