Мирзиёев ва Назарбоев телефон орқали мулоқот қилишди
24.01.2018 16:43,
1
Бугун, 24 январь куни Ўзбекистон Республикаси Президенти Шавкат Мирзиёев ва Қозоғистон Республикаси Президенти Нурсултон Назарбоев телефон орқали суҳбатлашишди.
Суҳбат аввалида, Нурсултон Назарбоев Қозоғистонда ўзбекистонлик фуқароларнинг вафот этгани муносабати билан ҳамдардлик билдирди.
Икки давлат раҳбари телефондаги сўзлашув чоғида, бўлажак учрашув олдидан ўзаро қилинадиган ишларни муҳокама этишди.
Жумладан, икки давлат ўртасида ҳал этилиши керак бўлган масалалар ва икки томонлама ҳамкорликни янада мустаҳкамлаш борасида фикр алмашишди.