Қонингиз таъмини эслаб қолувчи чивинни қувиб юриб ўлдиринг

29.01.2018 | Илм-фан | 3003

Олимлар чивин ўзига ҳужум қилган одамнинг қўл ҳаракати ва тер ҳидини эслаб қолиш қобилиятига эгалигини аниқлади. Тадқиқотда чивин чақишидан қўрқмайдиган бир неча одам қатнашди.

Натижада митти қонсўрарлар озуқани, яъни сизу бизнинг қонимиз таъмини фарқлаши маълум бўлди. Айёр чивинлар одамларнинг қонини татиб кўради ва қони энг мазали кишини чақади. Бундан ташқари, улар кишини қўл ҳаракатидан ва исидан эслаб қолишга қодир.

Чивин гарчи ўз арзимас кўринса-да инсониятнинг ашаддий кушандаси ҳисобланади. Чивин тарқатадиган безгак касали дастидан йилига 600 минг инсоннинг ёстиғи қурийди. Шунинг учун чивинни нима ўзига тортиши ўрганилмоқда.