Сурияда Россиянинг Су-25 самолёти уриб туширилди

04.02.2018 | Жаҳон | 2941

Шанба куни Суриянинг Идлиб вилоятида Су-25 самолёти уриб туширилди, учувчи қурбон бўлди, деб хабар қилмоқда РИА Новости.

“Шанба куни Россиянинг Су-25 самолёти Суриянинг Идлиб вилоятида уриб туширилди. Учувчи самолётни тарк этишга улгурган, лекин жангарилар билан бўлган жангда қурбон бўлган”, — дейилган вазирлик хабарида.

Россия ҳарбий ҳаво кучларига тегишли бўлган самолёт Идлиб вилоятидаги тинчилик ўрнатиш ҳудуди устидан навбатчи парвоз амалга ошираётган вақтида зарбага учраган.

Дастлабки маълумотларга кўра, самолёт “Жабҳат-ан-Нусра” томонидан, кўчма зенит-ракета қурилмаси ёрдамида уриб туширилган.

Сўнгги дамда олинган маълумотларга кўра, “Жабҳат-ан-Нусра” жангарилари назорати остида бўлган ҳудудга аниқ нишонга олувчи қурол ёрдамида ёппасига зарба берилган. 

Айни дамда Россия Тинчлик ўрнатиш маркази Туркия вакиллари билан биргаликда россиялик учувчи танасини қайтариш чораларини кўрмоқда.