Ўзбекистон Бош прокурорининг собиқ ўринбосари¸ 45 яшар адлия полковниги Улуғбек Суннатов устидан жиноят иши очилган. Суннатов жорий йилнинг 24 февралида ўзининг Тошкентдаги ховлисида Прокуратура ходимлари гуруҳи тарафидан қўлга олиниб, сўроқ қилинмоқда. Бу ҳақда BBCuzbek нашри хабар бермоқда.
2017 йил охиридан бошлаб Тошкент вилоят прокурори бўлиб ишлаган Улуғбек Суннатов жорий йилнинг 5 январида Ўзбекистон президентининг топшириғи билан ишда йўл қўйган жиддий камчиликлари учун лавозимидан озод қилинган эди.
Ўзбекистон Бош прокуратурасида ишлайдиган ва исми айтилишини истамаган ходимнинг 26 февраль куни билдиришича¸ Суннатов 23 февраль куни ҳибсга олинган собиқ Бош прокурор Қодиров иши доирасида ушланган.