Энг сўнгги хабарларга кўра, Москва шимоли-шарқида содир бўлган ёнғинда 16 киши қурбон бўлган. Ўт ўчирувчилар айтишига кўра, улар бўлган хона эшигини ёнғин тўсиб қўйгани туфайли қурбон бўлган.
Ўт ўчирувчилар хабарига кўра, Алтуфьево кўчасида жойлашган нашриётлардан бирининг омборхонасида содир бўлган ёнғин, у ерда кўп миқдорда бўлган нашриёт маҳсулотлари ва тез ёнувчи суюқликлар туфайли тез тарқалиб кетган. Ўт ўчирилганидан кейин, эшигини ёнғин тўсиб қўйган хонадан 16 кишининг жасади топилган.
Ёнғиндан жароҳатланган 4 киши Склифосовский касалхонасига ётқизилган. Улардан бири касалхонада вафот этган.
Тергов қўмитаси ушбу фожеа сабабларини ўрганмоқда.