Нотижорат бўлган «Росконтрол» мутаҳасислари Россия ва Белорусияда ишлаб чиқарилаётган 30 турдаги пишлоқларни сифатини текшириши натижасида кўпгина қоидабузарлик аниқланганлигини lenta.ru маълум қилди.

18 та пишлоқ ишлаб чиқарувчиларнинг маҳсулотлари ДСТ (ГОСТ) талаблари асосида тайёрланган дейилгани билан унга жавоб бермаслиги аниқланди. Эътиборлиси шуки, бундай маҳсулотларнинг бозори чаққон.

Маҳсулот таннархини тушириш учун ишлаб чиқарувчилар сут ўрнига ўсимлик мойи — палма ва кокос мойлари аралашмасидан фойдаланиб келишган.

Тадқиқотларда, «Авваллари пишлоқлар текширилганда, экспертлар оз миқдорда сут ўрнини босувчи ёғларни аниқлашар эди, ҳозирга келиб, қалбакилаштирилган маҳсулотлардан 1 грамм ҳам сут топиш имконияти бўлмаган. Барчаси ўсимлик ёғларидан тайёрланган» — деб ёзилган.

«Росконтрол» таъкидлашича, гидрогенизацияланган ўсимлик ёғлари инсон организми учун xавфли: уни истеъмол қилинганда, атеросклероз, инфаркт ва инсультга сабаб бўлиши, бундан ташқари юракнинг ишемик касали xавфини бир неча баробарга ошириши мумкин. Ҳақиқий пишлоқ сутдан таёрланиши керак.