Тошкент вилоятида 20 яшар қиз отасини пичоқлаб ўлдирди

02.04.2018 | Жамият | 3628

Тошкент вилоятининг Чирчиқ шаҳрида 31 март куни падаркушлик рўй берди. Бу ҳақда ИИВ жамоатчилик ва ОАВ билан алоқалар бошқармаси хабар берди.

Шу куни соат 24:00 атрофида 3-кичик туманда яшовчи, 1998 йилда туғилган А. Аляева маст ҳолда уйида жанжал кўтарди. Можаро асносида отаси, 1975 йилда туғилган М. Аляевнинг кўксига пичоқ уриб, жароҳат етказди.

М. Аляев воқеа жойида ҳаётдан кўз юмди. Унинг қизи қўлга олинди.

Суриштирув ишлари олиб борилмоқда.