Тошкент маъмурий ҳудуди 18 квадрат километр атрофидаги катталикда кенгайтирилади. Бу ҳақда Тошкент шаҳар бош архитектори Асомиддин Тожиевнинг uza.uz сайтига маълум қилди. 

Ўзбекистон Пойтахти Тошкентни кенгайтириш борасидаги ташаббус Президент Шавкат Мирзиёев томонидан киритилган бўлиб, бу лойиҳага чет элдан тажрибали мутахассис ва йирик компаниялар жалб этилган. 

Ушбу кўрсаткич пойтахтга киритилаётган ҳудуднинг табиий ландшафтидан келиб чиққан ҳолда ўзгариши мумкин. Тошкентнинг айни дамдаги ўзгартирилмаган ҳудуди 33,4 квадрат километрни ташкил этади. Лойиҳа бўйича ҳозирда ҳисоб-китоб ишлари амалга оширилмоқда.

Пойтахтга киритилиши кўзда тутилган ҳудудларда фотосъёмка, геология, инженерия мутахассислари иш олиб бормоқда. Шунингдек, мазкур ерлардаги газ, электр ва сув таъминотлари даражаси ҳам ўрганилмоқда. Тошкент шаҳар бош архитекторининг айтишича, бу жараён изчил меҳнатни талаб этади ва бу қисқа фурсат ичида амалга ошириладиган иш эмас.