2018 йилгача Россия йўлларида биринчи марта автопилот автобуслар пайдо бўлиши ҳақида «КамАЗ» компанияси хабар берди.
Лойиҳа «Шатл» деб номланган бўлиб, унда «Марказий илмий-тадқиқот автомобиль ва автомотор институти» (НАМИ) ва Яндех ҳам иштирок этмоқда.
Бундай автобуслар 12 ўринли бўлади. Лойиҳанинг илк прототипи эса 24 август куни «Москва халқаро автосалони»да намойиш қилинди.
Автобус тайёр бўлгач, унинг синови ёпиқ ҳудудлар — аэропорт, бизнес-парк, илмий майдонлар ва музейларда ўтказилади. Маълум қилинишича, автобус тезлиги соатига 25 километрдан ошмайди.
Лойиҳада «КамАЗ» ишлаб чиқариш ва маркетинг билан, Яндех эса ИТ тхнологиялар билан шуғулланади. «НАМИ»да эса аллақачон гибдрид технологиялар мавжуд.
Шунингдек, Яндех автобус ўзини ўзи осон бошқариши учун яхшироқ хариталар ишлаб чиқади.
2015 йил октябрьида «КамАЗ» автопилотда ишлайдиган юк ташиш машинасини тақдим этган эди. Тахминларга кўра, 2020 йилгача шундай «КамАЗ»лар серияли ишлаб чиқарила бошланади.