Норвегияда тревога сигналини Россия ҳужуми деб ҳисоблашди
7.04.2018 20:27,
14
Норвегиянинг Россия билан чегарадош Вадсе шаҳрида тўсатдан сирена сигнали ишлаб кетди. Хавотирга тушган норвегияликлар Россия томонидан ҳужум бошланди, деб ўйлади. Бу ҳақда NRK нашри хабар қилмоқда.
Сигнал соат 23:50да чалинган, сабаби маълум эмас. Маҳаллий аҳоли хавотирга тушиб полицияга қайта-қайта қўнғироқ қилган.
Бунга ўхшаш ҳолат январ ойида АҚШнинг Ҳавайи штатида ҳам юз берганди. Маҳаллий аҳоли ўшанда ракета ҳужумидан хавотирга тушган.