АҚШ Сурияга ҳужум қилишга тайёр

11.04.2018 | Жаҳон | 2302

АҚШ ҳарбий кучлари Сурия ҳудудига ҳужум қилишга тайёрлигини билдирди, деб i24News журналисти Давид Шустер Пентагондаги манбаасидан олган маълумотга кўра хабар бермоқда.

"Барча керакли бўлинмалар (кемалар, самолётлар ва қанотли ракеталар) Сурияга ҳужум қилишга шай ҳолатга келтирилган. Ҳар дақиқада президент Трампдан буйруқ бўлиб қолиши мумкин", - деб ёзган.  

10 апрелдаги хабарга кўра, 60 та "Томагавк" ракетаси билан қуролланган Америка эсминци Donald Cook Суриянинг Тартус шаҳридан 100 км узоқликда буйруқ кутмоқда. Бундан ташқари, Сурия қирғоқлари томон USS Harry S. Truman атом авиаташувчи ва бир нечта жанговор кемалар йўл олган.