Президент фармони билан Марказий банк бошқаруви раисига яна бир янги ўринбосар тайинланди

14.04.2018 | Ўзбекистон | 2502

Ўзбекистон Президенти фармони билан Илҳом Норқулов Марказий банк бошқаруви раисининг ўринбосари этиб тайинланди. Бу ҳақда банк матбуот хизмати хабар бермоқда.

Норқулов Тошкент Давлат иқтисодиёт университетининг «Халқаро иқтисодий муносабатлар» факультетида таҳсил олган. Глазго университетида (Буюк Британия) «Иқтисодий ривожланиш» йўналиши бўйича магистратурани тамомлаган.

Иқтисодиёт вазирлиги тизимида ва ишлаб чиқариш соҳасида иш тажрибасига эга.

Марказий банкдаги фаолиятини 2010 йилда бош мутахассис лавозимидан бошлаган, 2013—2018 йилларда монетар сиёсат департаментига раҳбарлик қилган.