Қирғизистоннинг янги бош вазири Муҳаммадкали Абилгазиев ўзини кузатиб борувчи кортеждан бош тортди ҳамда ҳуқуқ-тартибот тузилмаларига бош вазир ишга кетаётганида йўлларни тўсмаслик тўғрисида кўрсатма берди.
Ҳукумат аппаратининг билдиришича,бу кўрсатма 21 апрель - ҳукумат раҳбари биринчи иш кунини бошлаганидан амал қила бошлади.
Қирғизистон президенти Сўўрўнбай Жээнбеков ҳам ўзи ишга кетаётганида йўлларни бошқа автомашиналар ҳамда одамлар ҳаракатланишидан тўсмаслик тўғрисида буйруқ берган эди.
Президент ва бош вазир барча оддий фуқаролар каби умумий йўлдан ишга бориб-келадилар.