Пойтахтдаги йирик бозорлардан бири – Қўйлиқ деҳқон бозори Тошкентдан ташқарига кўчирилади. Бу ҳақда Бектемир тумани ҳокими Шопўлат Асқаровга асосланив, Sputnik хабар берди.

Унинг сўзларига кўра, бозорнинг кўчирилиш муддати аниқ эмас, ҳозирда унинг қаерга кўчирилиши масаласи ҳал қилинмоқда. «Ҳозирда Тошкент вилоятида бозор кўчириладиган жой аниқланмоқда, у ерда янги павилонлар ва барча зарур инфратузилма бунёд этилади. Бу ишларни ўтган йили бошлаш режалаштирилганди. Янги бозор қуриб битказилганидан кейин Қўйлиқ деҳқон бозори у ерга кўчирилади, унинг ёнида жойлашган қишлоқ хўжалик маҳсулотлари улгуржи бозори ўз ўрнида қолади. Буюм ва қурилиш бозорлари ҳам жойида қолади», — дейди Асқаров.

Бозор кўчирилганидан сўнг унинг ўрнида нима қурилиши ҳозирча номаълум.